www.geruguh agung.com

Cerite Puyang Lebi. Nyurum celane gantung, buntalan di kembatkah erut di pinggang, pakai gitar palak kain kaci putih, kehis kimpalan mekam disisipkah kepinggang. Sambil begumam ngumung suhang :….. sape die masih ade di ulu ayek nie, matenye tebelalak nginak’i buluh dasan anyut. Huuuup, ilmu anjing nyelipiran melumpat ke ruang ayek selangis, sambil nggeleng-ngeleng palak, as as as, ade jeme behani ngibouw ulu mandian (pikir puyang); ate di luhuni tenyate ade jeme nebas belukae, lah rebah rimpung tebasannye kekari nyilap. Cuma jemenye dik bedie di tengah lacean; Pagi ahinye di karuhkah lagi jeme ye behani nebas belukae puyang, tenyate ade jeme besak tinggi be jejebai itam, dihampiri puyang : ngape kaba nebas belukae nie ha ? jeme be jejebai njawab tanah ini pesake ninek puyangku, ade ape ? dik lame ahi sirap petang masing2 betahan pesake nineng puyang perlu di pertahankan. Die bedue sepakat untuk membuktikah bahwa pesake tu betul milik kite ape milik jeme be jejebai. Puyang Lebi dengan sigap pegi ke Lubuk Sepang ngambik niou gayou di cabut teke akae’e dengan bantuan yang maha kuase, niou gayou di tanamkah di tanah sengketa. Mak itu pule jeme be jejebai ngambik niuo duduk umbi di tanamkah di tanah sengketa; Pagi diahinye pembuktian : jeme dekale sangat menghormati keputusan, kalu kalah kalah, kalu menang menang. Begitu di buktikah tenyate Puyang Lebi di nyatekah menang. Jeme be jejebai dengan berat hati meninggalkah kawasan Gumay Ulu. Demikian, terime kasih. Mohon ma’af : jangan di tanye benar salahnye, karne ini cerite ambik saje nilai-nilai ye tekandung di dalamnye. Penulis : Yamari Gumay; 28/08/2016 Bengkulu.