MERAJE ANAK BELAI

CERITE CLASSIC TANGGUNG JAWAB MERAJE NGELAHAI’I ANAK BELAI. Sungguh luar biasa tatan adab gumay, perangkat meraje betul-betul mengayomi anak belai dalam suka maupun duka, berikut sekelumit cerite tanggung jawab meraje terhadap anak belai; Pada suatu hari neneng sebut saje renasan, mengundang bugae tanggung umur 30-45 tahun dihumahnye, ye diundang lebih kurang 10 uhang (an, dyc, fik, mar dan lain-lain) pada malam selikur lepas isya’; Alhamdulillah ye diundang lah datang gale, pade waktu ditentukan duduk nerese pakaian gibing di kincungkah siap ngikuti tuape nian nak di umongkah oleh neneng renasan; Rupenye neneng renasan shalat isya’ do’anye panjang menghimpun seluruh anak belai; keluae isan di bilik langsung nanye lah datang gale ? an njawab au neng; Neneng ndak ngumong atika li kamu banyak ; seminggu agi DELIMA ndak nikahkah anak, jadi kite gotong royong : pertame ngiluk’I tangge, gahang dan pelumbaran. Kedue Pagi, Kite berayak ngambik kayu, uwi, ngah buluh; kite berangkat udem subuh anye uncam-uncamlah dihumah masing-masing. Kalu rukuk mbaku pacaklah neneng. Pagi diahinye : masyaallah, kebau 10 ikuk lah tetambang di humah neneng kandek penahek, ude tu nasi 12 ibat, 4 tuntung gulai lah siap pule …”ingat patian dan tunguan gumay” … KATE BETARUH; Nah lah siap berangkat neneng ngumung : ngambik kayu kele mbak genting betis panjang due depe, ude tu buluh pilih ye tue panjang 2 depe pule, uwi nangkalah neneng ngambik’e; sesampai dihimbe mulai begawe, singkat cerite kayu ngah buluh dan uwi lah tekumpul. Nceletuk neneng ngumong sape ngambik kayu ini ? aku neng kate fik, nengae dide tuape ye neneng umongkah tadi ? kayu tu besak’e mbak betis panjang due depe, ngape ngambik kayu besak mbak balong panjang 2 ? kemane cuping kaba ? fik lelinyum kenemarah neneng, …..(dalam ati fik aku tadi dik nganing musikkah hp) kalu besak mbak balong kandek tiang, besak ige. (fik ?????); Lah selesai penggawehan, gahang udem; tangge udem, pelumbaran udem pule; fik masih lelinyum parak tiang; ngape fik kate dyc ? hahahhaha hahahaha haha; Nah adik sanak begitu KOMPAKnye meraje dan anak belai dalam menyiasati sesuatu masalah dalam keluarge besak. Mungkinkah keluarge besak mestin mestanin terwujud hal demikian ? insyaallah; Ini sedikit cerite classic untuk renungan kite. Txs Yamari Gumay/bkl 02/11/2017#